இந்திய ரயில்வே நிர்வாகம் தட்கல் டிக்கெட் முன்பதிவில் புதிய நடைமுறையை அறிமுகம் செய்துள்ளது. அதாவது தட்கல் டிக்கெட் பெறுவதற்கு டோக்கன் முறை அறிமுகப்படுத்தி உள்ளனர். அதன்படி,
ஏசி தட்கல் காலை 8.30–9.00 மணி வரை, நான்-ஏசி தட்கல்: 9.00–9.30 மணி வரை டோக்கன் வழங்கப்படும்.
ஏசி தட்கல் முன்பதிவு காலை 10 மணிக்கும், நான்-ஏசி தட்கல் முன்பதிவு காலை 11 மணிக்கும் வழக்கம்போல் தொடங்கும்.
ஆரம்பத்தில், ஒரு கவுன்டருக்கு 10 ஏசி மற்றும் 15 நான்-ஏசி டோக்கன்கள் வழங்கப்படும். தேவைக்கேற்ப எண்ணிக்கை மாற்றப்படும்.
குடும்பத்தினருக்காக டிக்கெட் பதிவு செய்வோருக்கு 'A' வகை, மற்றவர்களுக்கு 'B' வகை டோக்கன் வழங்கப்படும்.
டோக்கனை மற்றொருவருக்கு மாற்ற முடியாது; டோக்கன்கள் பயன்படுத்தப்பட்ட பிறகும் இருக்கைகள் காலியாக இருந்தால், முதலில் வருவோருக்கு முன்னுரிமை அடிப்படையில் டிக்கெட் வழங்கப்படும்.
தற்போது இந்த டோக்கன் முறை மேற்கு மத்திய ரயில்வே முன்பதிவு கவுன்டர்களில் மட்டுமே அறிவிக்கப்பட்டுள்ளது. விரைவில் அனைத்து இடங்களுக்கும் அறிமுகப்படுத்தப்பட உள்ளது.
