மதுராந்தகம், தாராபுரத்தில் வாக்காளர்களுக்கு தவெக பணம் பட்டுவாடா
தேர்தல் ஆணையத்தில் அ.தி.மு.க. அவசரப் புகார்!
மதுராந்தகம் மற்றும் தாராபுரம் தொகுதிகளில் வாக்காளர்களுக்குப் பெருமளவில் பணம் விநியோகிக்கப்படுவதாக அ.தி.மு.க. சார்பில் மாநில வழக்கறிஞர் பிரிவு செயலாளர் இன்பதுரை, எம்பி , இந்திய தலைமைத் தேர்தல் ஆணையர் மற்றும் தமிழகத் தேர்தல் அதிகாரியிடம் அவசரப் புகார் அளித்துள்ளார்.
மதுராந்தகம் மற்றும் தாராபுரம் தொகுதிகளில் தவெக வேட்பாளர்களுக்கு ஆதரவாக வாக்காளர்களுக்கு சட்டவிரோதமாகப் பணம் விநியோகிக்கப்படுகிறது.
இது மக்கள் பிரதிநிதித்துவச் சட்டப் பிரிவு 123(1) (லஞ்சம்) மற்றும் பாரதிய நியாய சன்ஹிதா (BNS) விதிகளின்படி கடுமையான குற்றமாகும்.
பறக்கும் படைகள் (FST) மூலம் இரு தொகுதிகளிலும் உடனடியாகத் தீவிர கள ஆய்வு நடத்த வேண்டும்.
CCTV, தொலைக்காட்சி மற்றும் சமூக ஊடக வீடியோ ஆதாரங்களைப் பாதுகாக்க வேண்டும்.
சம்பந்தப்பட்ட வேட்பாளர்கள் மற்றும் கட்சியின் பிரச்சார செலவுகளையும், வங்கி கணக்குகளையும் ஆய்வு செய்ய வேண்டும்.
விதிமீறலில் ஈடுபட்டோர் மீது உடனடியாக வழக்கு பதிவு செய்து, சோதனைச் சாவடி கண்காணிப்பைத் தீவிரப்படுத்த வேண்டும் என்று தெரிவித்துள்ளார்.
