தமிழ்நாடு முதலமைச்சர் மு.க.ஸ்டாலின் தலைமையில் ஜனவரி 6-ம் தேதி அமைச்சரவை கூட்டம் நடைபெறுகிறது.
புத்தாண்டின் துவக்கமாக முதல் சட்டமன்ற கூட்டத் தொடர் ஜனவரி 20-ம் தேதி நடைபெறும் என்று சபாநாயகர் அப்பாவு அறிவித்துள்ளார். ஆளுநர் ஆர்.என்.ரவி உரையுடன் சட்டமன்றக் கூட்டத்தொடர் தொடங்குகிறது.
இந்த நிலையில், ஆளுநர் உரையில் இடம் பெற வேண்டிய அம்சங்கள் குறித்து விவாதிக்க ஜனவரி 6-ம் தேதி முதலமைச்சர் மு.க.ஸ்டாலின் தலைமையில் அமைச்சரவை கூட்டம் நடைபெறுகிறது.
சென்னை தலைமை செயலகத்தில் காலை 11 மணிக்கு அமைச்சரவை கூட்டம் நடைபெறுகிறது. சட்டமன்றத் தேர்தலுக்கு நான்கு மாதங்களே உள்ளதால், முழு பட்ஜெட் தாக்கல் செய்ய முடியாது. எனவே, இடைக்கால பட்ஜெட் தாக்கல் செய்யப்படும். இந்த இடைக்கால பட்ஜெட் தொடர்பாக ஜனவரி 6-ம் தேதி நடைபெறும் அமைச்சரவை கூட்டத்தில் ஆலோசிக்கப்படும் என்று தெரிகிறது.
