ஒரு ஓட்டில் தோல்வி அடைந்த அமைச்சர் பெரிய கருப்பன்
வெற்றிக்காக நள்ளிரவு வரை போராடிய தவெக வேட்பாளர்
சிவகங்கை மாவட்டம் திருப்பத்தூர் தொகுதியில் திமுக சார்பில் அமைச்சர் பெரிய கருப்பன் போட்டியிட்டார். அதிமுக கூட்டணி சார்பில் திருமாறன், தமிழக வெற்றி கழகம் சார்பில் சீனிவாச சேதுபதி போட்டியிட்டார்.
இத்தொகுதியில் வாக்கு எண்ணிக்கை நடைபெற்ற போது பெரிய கருப்பன் வெகு நேரம் முன்னிலையில் இருந்தார். இந்நிலையில் பெரிய கருப்பனுக்கும் சீனிவாச சேதுபதிக்கும் இடையே கடும் போட்டி நிலவியது. 67 வாக்குகள் வித்தியாசத்தில் பெரிய கருப்பன் தோல்வி அடைந்ததாக அறிவிக்கப்பட்டது. இதை ஏற்றுக் கொள்ள முடியாத பெரிய கருப்பன் மற்றும் அவரது ஆதரவாளர்கள் அங்கு வாக்குவாதத்தில் ஈடுபட்டனர்.
பிறகு மீண்டும் மொத்த வாக்குகள் எண்ணப்பட்டு ஒரு ஓட்டில் பெரிய கருப்பன் தோல்வி அடைந்ததாக அறிவிக்கப்பட்டது. தமிழக தேர்தல் வரலாற்றில் ஒரு ஓட்டில் தோல்வி அடைந்த அமைச்சர் என்ற பெயரை அவர் எடுத்துள்ளார். இதை அடுத்து தவெக வேட்பாளர் சீனிவாச சேதுபதி வெற்றி பெற்றதாக அறிவிக்கப்பட்டது. இந்த பிரச்சனை நள்ளிரவு வரையும் நீடித்தது.
மொத்த வாக்காளர்கள்- 2,75,904
பதிவான வாக்கு- 2,26,999
சீனிவாச சேதுபதி-83,365
பெரிய கருப்பன்- 83, 364
வித்தியாசம்- 1
