அதிமுக கூட்டணியில் மதுரை மத்திய தொகுதியில் திரைப்பட இயக்குனர் சுந்தர். சி வேட்பாளராக களம் இறங்குகிறார்.

 நடைபெற இருக்கிற சட்டமன்றத் தேர்தலில் மதுரை மத்திய தொகுதி தேசிய ஜனநாயக கூட்டணியில் இடம் பெற்றுள்ள புதிய நீதிக் கட்சிக்கு ஒதுக்கப்பட்டுள்ளது.

 புதிய நீதி கட்சி சார்பில் களம் இறக்கப்படும் வேட்பாளர் இரட்டை இலை சின்னத்தில் போட்டியிடுவார் என கட்சியின் நிறுவனர் ஏசி சண்முகம் தெரிவித்து இருந்தார்.

 இந்நிலையில் மதுரை மத்திய தொகுதியில் போட்டியிடும் புதிய நீதி கட்சியின் வேட்பாளராக நடிகரும் திரைப்பட இயக்குனருமான சுந்தர் சி போட்டியிடுவார் என அறிவிக்கப்பட்டுள்ளார்.

 இதனால் மதுரை மத்திய தொகுதி விஐபி தொகுதியாக உள்ள நிலையில் மீண்டும் முக்கியத்துவம் பெற்றுள்ளது என்பது குறிப்பிடத்தக்கது.