தேர்தல் நடத்தை விதிமுறைகளை மீறி செயல்பட்டால் வழக்கு பதிவு:

தேர்தல் ஆணையம் எச்சரிக்கை:

M.PALANIVELRAJANCHENNAI -APR 15

தமிழ்நாடு சட்டமன்றத் தேர்தல் 2026 நெருங்கும் நிலையில், தேர்தல் ஆணையம் கடுமையான எச்சரிக்கை ஒன்றை வெளியிட்டுள்ளது.

ஆணையம் வெளியிட்டுள்ள அறிக்கையில், “அனுமதி பெறாமல் அச்சடிக்கப்படும் எந்தவித கூப்பன் மாதிரிகள், துண்டுப் பிரசுரங்கள், சுவரொட்டிகள் அல்லது பிற பிரச்சாரப் பொருட்களை பொதுமக்களுக்கு விநியோகம் செய்யக் கூடாது. மீறினால் அவை உடனடியாக பறிமுதல் செய்யப்படும்.

மேலும், தேர்தல் நடத்தை விதிமுறைகளை மீறி செயல்பட்டால் சம்பந்தப்பட்டவர்கள் மீது வழக்கு பதிவு செய்யப்படும்” என்று தெரிவிக்கப்பட்டுள்ளது.

தேர்தல் ஆணையம் இந்த எச்சரிக்கையை வெளியிட்டுள்ள தற்கு முக்கியக் காரணம், சில கட்சிகள் மற்றும் வேட்பாளர்கள் அனுமதியின்றி பெருமளவில் கூப்பன் மாதிரிகள், துண்டுப் பிரசுரங்கள் மற்றும் பிற பிரச்சாரப் பொருட்களை அச்சிட்டு விநியோகம் செய்வது தொடர்பான புகார்கள் அதிகரித்து வருவதாகும்.

இத்தகைய செயல்கள் தேர்தல் நடத்தை விதிமுறைகளை மீறுவதாகக் கருதப்படுகிறது.

தேர்தல் ஆணையம் மேலும் தெரிவித்துள்ளதாவது: “அனைத்து வகையான பிரச்சாரப் பொருட்களும் முன்னதாகவே தேர்தல் அதிகாரிகளிடம் அனுமதி பெற்ற பிறகே அச்சிடப்பட்டு விநியோகிக்கப் பட வேண்டும். அனுமதியின்றி விநியோகம் செய்யப்படும் பொருட்கள் பறிமுதல் செய்யப்பட்டு, சம்பந்தப்பட்டவர்கள் மீது சட்ட நடவடிக்கை எடுக்கப்படும்.”

இந்த எச்சரிக்கை தமிழ்நாடு முழுவதும் உள்ள அனைத்து அரசியல் கட்சிகள், வேட்பாளர்கள் மற்றும் பிரச்சாரக் குழுக்களுக்கும் பொருந்தும் என்று தேர்தல் ஆணையம் அழுத்தம் திருத்தமாகக் கூறியுள்ளது.

தேர்தல் நடத்தை விதிமுறைகளை கண்டிப்புடன் கடைப்பிடிக்க வேண்டும் என்று அனைத்து கட்சிகளையும் ஆணையம் வலியுறுத்தியுள்ளது. மீறுபவர்கள் மீது கடுமையான நடவடிக்கை எடுக்கப்படும் என்றும் எச்சரிக்கை விடுக்கப்பட்டுள்ளது.

தேர்தல் ஆணையத்தின் இந்த அறிவிப்பு தேர்தல் பிரச்சாரத்தின் இறுதிக் கட்டத்தில் அரசியல் கட்சிகளுக்கு பெரும் எச்சரிக்கையாக அமை

ந்துள்ளது.