அரசியல் களத்தில் அடுத்த அதிரடி.

சசிகலாவின் புதிய கட்சிக்கு தமிழக உழவர் உழைப்பாளர் கட்சி ஆதரவு. 

தமிழகத்தின் தென் மாவட்ட அரசியலில் அடுத்தடுத்த அதிரடி திருப்பங்கள் அரங்கேறி வரும் வேளையில் சசிகலா புதிய கட்சி தொடங்க உள்ளார். அதற்கான அனைத்து பணிகளும் முடிவுற்ற நிலையில் அங்கீகாரம் வரும் என எதிர்பார்த்து காத்திருக்கின்றனர்.

இதற்கிடையே தமிழக உழவர் உழைப்பாளர் கட்சி மாநிலத் தலைவர் வேல்முருகன் முதல் ஆளாக சசிகலாவை அவரது இல்லத்தில் நேற்று சந்தித்து தனது முதல் வாழ்த்தைப் பதிவு செய்துள்ளார். 

இந்த சந்திப்பின்போது சசிகலாவுக்கு பூங்கொத்து கொடுத்து தனது ஆதரவை உறுதிப்படுத்தியுள்ளார். வேல்முருகன் பேசுகையில், தமிழக மக்களின் பேராதரவுடன் சின்னம்மாவுக்கு வரவிருக்கும் அரசியல் பயணத்தில் மிகப்பெரிய வெற்றி கிடைக்க நாங்கள் ஆதரவு கொடுப்போம் என்று தெரிவித்தார்.