​மதுரையில் செய்தியாளர்களிடம் பேசிய சட்டமன்ற எதிர்க்கட்சித் துணைத் தலைவர் ஆர்.பி. உதயகுமார், ஓ. பன்னீர்செல்வம் தொடர்ந்து அதிமுக மற்றும் எடப்பாடி பழனிசாமி மீது சுமத்தி வரும் அவதூறுகளுக்குக் கடுமையான பதிலடி கொடுத்துள்ளார்.

​ஓபிஎஸ் தனது அதிகாரப் பசிக்காகவும், பதவி சுகத்திற்காகவும் முதல்வர் ஸ்டாலினைப் புகழ்ந்து பாடட்டும், இதற்காக அதிமுகவின் வரலாற்றைத் திரித்து 'கோயபல்ஸ்' பாணியில் பொய் பிரச்சாரம் செய்வது கண்டிக்கத்தக்கது .

​அதிமுகவை அழிக்க நினைக்கும் ஓபிஎஸ், எடப்பாடியாரைப் பற்றிப் பேச எந்தத் தகுதியும் இல்லை.

​2021 சட்டமன்றத் தேர்தலில் ஓபிஎஸ் தனது சொந்த மாவட்டமான தேனியில் எத்தனை தொகுதிகளை வெற்றிபெறச் செய்தார்? என்று கேள்வி எழுப்பிய உதயகுமார், அந்தத் தோல்வி விவரத்தைக் கூறினால் அவரது "லட்சணமும், துரோகமும்" மக்களுக்குத் தெரியும் என்றார்.

​ஜெயலலிதா மறைவுக்குப் பின் அதிமுக ஆட்சி தொடர எடப்பாடியார் முயற்சித்தபோது, அதற்கு எதிராக சட்டமன்றத்தில் வாக்களித்தவர் ஓபிஎஸ்.

​அதிமுக என்ற ஆலமரத்தின் வளர்ச்சிக்கு ஒரு செம்புத் தண்ணீரைக் கூட ஊற்றாத ஓபிஎஸ், இப்போது ஊர் ஊராகச் சென்று "ஊளையிடுவதை" நிறுத்திக்கொள்ள வேண்டும்.

​உண்மையான அதிமுக தொண்டர்களின் கோபத்திற்கு ஓபிஎஸ் ஆளாக நேரிடும் என்றும், அவதூறு பேசுவதை நிறுத்தவில்லை என்றால் கடுமையான எதிர்வினைகளைச் சந்திக்க வேண்டியிருக்கும் என்றும் எச்சரித்தார்.

​ஸ்டாலினை 'இந்திரன், சந்திரன்' என ஓபிஎஸ் புகழ்ந்து பாடும் போலி நாடகத்தை மக்கள் ஒருபோதும் நம்ப மாட்டார்கள் என்று ஆர்.பி. உதயகுமார் தனது அறிக்கையில் குறிப்பிட்டுள்ளார்.

​