"தமிழக முதல்வர் மு.க. ஸ்டாலின் மற்றும் திமுகவினரின் முன்னுரிமை என்பது ஊழல், கமிஷன் மற்றும் வசூல் (Corruption, Commission and Collection) மட்டுமே," என்று மத்திய வர்த்தகம் மற்றும் தொழில் துறை அமைச்சர பியூஷ் கோயல் இன்று தமிழக திமுக அரசை கடுமையாகச் சாடியுள்ளார்.

​

​ தமிழ்நாடு தொழில் வர்த்தக சங்கம் சார்பில் வர்த்தகர்களுடைய கலந்துரையாடல் நிகழ்ச்சி நடைபெற்றது. நிகழ்ச்சிக்கு சங்கத் தலைவர் ஜெகதீசன் தலைமை தாங்கினார். மத்திய வர்த்தகத்துறை அமைச்சர் பியூஸ் கோயல் கலந்துகொண்டு பேசினார். அவர் பேசுகையில், "தமிழகத்தில் திமுக ஆட்சியில் ரவுடி கலாச்சாரம் நிலவுகிறது. புகழ்பெற்ற கோயில்கள், பண்பாடு மற்றும் பாரம்பரியத்திற்குப் பெயர்பெற்ற இந்தத் தமிழ்நாட்டில் எங்கு பார்த்தாலும் போதைப்பொருட்களும் கஞ்சாவும் மலிந்து கிடக்கின்றன. நானும் இரண்டு குழந்தைகளுக்குத் தந்தை என்ற முறையில் பேசுகிறேன். தயவுசெய்து தமிழகத்தின் தற்போதைய சட்டம் ஒழுங்கு நிலைமையையும், பெண்களுக்கு எதிரான குற்றங்களையும் கவனியுங்கள்."

​"போதைப்பொருள் அச்சுறுத்தலால் தமிழக இளைஞர்களின் எதிர்காலம் திமுக அரசால் பணயக்கைதியாக மாற்றப்பட்டுள்ளது. எனவே, 2026 ஏப்ரல் 23-ஆம் தேதி நடைபெறவுள்ள வாக்குப்பதிவு நாள் தமிழக மக்களுக்கு மிக முக்கியமான நாள். தற்போதைய திமுக அரசை அகற்றுவதற்கு உங்கள் வாக்கு உதவ வேண்டும். தெருக்களில் ரவுடி அச்சுறுத்தல் இல்லாத ஒரு நல்ல அரசாங்கம் அமைய, இந்த மாற்றம் குறித்த செய்தி மக்களிடம் சென்றடைய வேண்டும். 

திமுக அரசை மாற்றுவது மக்கள், வணிகர்கள், இளைஞர்கள் மற்றும் பெண்களுக்கு நல்லது. பிரதமர் மோடி எப்போதும் தமிழகத்தின் முன்னேற்றம் மற்றும் வளர்ச்சியைப் பற்றியே சிந்திக்கிறார்."

​"மே 4-ஆம் தேதி வாக்கு எண்ணிக்கை அன்று எடப்பாடி பழனிசாமி முதல்வராவார். மதுரை வாக்காளர்கள் ஏப்ரல் 23-ல் வாக்களிக்கும்போது எந்தத் தவறும் செய்துவிடாமல் இருமுறை சிந்தித்துச் செயல்பட வேண்டும். என கேட்டுக்கொள்கிறேன். உங்கள் வாக்கு உதயநிதி ஸ்டாலினை அடுத்த முதல்வராக்குவதற்காக அல்ல. தயவுசெய்து இந்த குடும்ப ஆட்சியை நிறுத்துங்கள். ஸ்டாலின் குடும்பம் மட்டுமே முதல்வர் நாற்காலியில் அமர்வது தங்களின் உரிமை என்று நினைக்கிறார்கள்," என்று அவர் பேசினார்.

​பங்கேற்பாளர்கள்:

​இந்தக் கூட்டத்தில் தமிழ்நாடு தொழில் வர்த்தக சங்கத் தலைவர் ஜெகதீசன், செயலாளர் ஸ்ரீதர் மற்றும் வர்த்தக, தொழில் துறையைச் சேர்ந்த பல்வேறு பிரதிநிதிகள் கலந்து கொண்டனர். 

​தமிழ்நாடு தொழில் வர்த்தக சங்கம் (TN Chamber of Commerce and Industry) தனது 102 ஆண்டுகால சேவையை முன்னிட்டு ஏற்பாடு செய்திருந்த இந்த கலந்துரையாடல் கூட்டத்தில், வர்த்தகம், தொழில் துறை பிரதிநிதிகள் மற்றும் பல்வேறு துறை சார்ந்த வல்லுநர்கள் கலந்து கொண்டனர்.

​

​"