தமிழ்நாட்டில் மார்ச் 16-ம் தேதி மாநிலங்களாவை தேர்தல் நடைபெறும் என்று இந்திய தேர்தல் ஆணையம் அறிவித்துள்ளது. 

இந்தியாவில் உள்ள 10 மாநிலங்களின் 37 மாநிலங்களவை உறுப்பினர்களின் பதவிக் காலம் ஏப்ரல் மாதம் முடிவடைகிறது. தமிழகத்தில் காலியாகும் 6 மாநிலங்களவை இடங்களின் தேர்தலுக்கான தேதியை தலைமை தேர்தல் ஆணையம் அறிவித்துள்ளது. 6 மாநிலங்களவை இடங்களுக்கான தேர்தல் மார்ச் 16-ம் தேதி நடைபெறும் என தலைமை தேர்தல் ஆணையம் அறிவித்துள்ளது.  

திமுகவில் 4 இடங்களும், அதிமுக சார்பில் 2 இடங்களும் காலியாகும் நிலையில் தேர்தல் அறிவிக்கப்பட்டுள்ளது. அதன்படி, திருச்சி சிவா, கனிமொழி சோமு, என்.ஆர்.இளங்கோ, செல்வராஜ், ஜி.கே.வாசன், தம்பிதுரை பதவிக்காலம் வரும் ஏப்ரல் 2-ம் தேதியுடன் நிறைவு பெறுகிறது. இதையொட்டி, பிப்ரவரி 26-ம் தேதி முதல் வேட்புமனு தாக்கல் தொடங்கும் என்றும், மார்ச் 5-ம் தேதி வேட்புமனு தாக்கல் கடைசி நாள் என்று தேர்தல் ஆணையம் அறிவித்துள்ளது.