சால்வை அணிவிப்பது போல திமுக ஒன்றிய செயலாளரின் கழுத்தில் கத்தியால் இளைஞர் குத்திய சம்பவம் பரபரப்பை ஏற்படுத்தியுள்ளது. 

திண்டுக்கல் மாவட்டம், வேடசந்தூர் திமுக தெற்கு ஒன்றிய செயலாளர் வீரா சாமிநாதன். தொழிலதிபரான இவர் முன்னாள் அமைச்சர் செந்தில் பாலாஜிக்கு நெருக்கமானவர். இவருக்கு சால்வை அணிக்க ஒரு இளைஞர் வந்தார். அவர் வீரா சாமிநாதனுக்கு சால்வை அணிவிப்பது போல அதற்குள் மறைத்து வைத்திருந்த கத்தியால் கழுத்தில் குத்தினார். இதை தடுக்க முயன்ற வீரா சாமிநாதனின் ஆதரவாளர் நாச்சிமுத்துவுக்கும் கத்திக்குத்து விழுந்தது. இதில் அவரும் காயமடைந்தார். 

கழுத்தில் கத்துக்குத்து விழுந்ததால் ரத்த வெள்ளத்தில் சரிந்த வீரா சாமிநாதனை திண்டுக்கல் அரசு மருத்துவமனையில் அனுமதிக்கப்பட்டுள்ளார். அவரை கத்தியால் குத்திக்கொல்ல முயன்ற இளைஞரை போலீஸார் கைது செய்தனர். எதற்காக அவர் திமுக செயலாளர் வீரா சாமிநாதனை கொலை செய்ய முயன்றார் என்று போலீஸார் தீவிர விசாரணை நடத்தி வருகின்றனர். திமுக செயலாளரை கத்தியால் குத்திக்கொலை செய்ய முயன்ற சம்பவம் அப்பகுதியில் பெரும் பரபரப்பை ஏற்படுத்தியுள்ளது.