மதுரை செந்தமிழ் கல்லூரியில் நான்காம் தமிழ் சங்கம் சார்பில் உலக தாய்மொழி நாள் விழா கொண்டாடப்பட்டது.  விழாவுக்கு நான்காம் தமிழ் சங்க செயலாளர் மாரியப்ப முரளி தலைமை தாங்கினார். செந்தமிழ் கல்லூரி செயலாளர் தசரத ராமன் முன்னிலை வகித்தார். அமெரிக்கன் கல்லூரி தமிழ் உயர் ஆய்வு மைய உதவி பேராசிரியர் ஹரி பாபு சிறப்பு விருந்தினராக கலந்து கொண்டு 'உப்பும், கூலமும், கூழாங்கல்லும்' இன்னும் தலைப்பில் சிறப்புரையாற்றினார்.

 முன்னதாக விழாவையொட்டி திருவள்ளுவர் சிலைக்கு மாலை அணிவித்து மரியாதை செய்யப்பட்டது. இதைத்தொடர்ந்து மாணவர்கள் மற்றும் பேராசிரியர்கள் தாய்மொழி நாள் உறுதிமொழி ஏற்றுக்கொண்டனர். தாய்மொழி நாள் விழாவை யொட்டி நடந்த போட்டிகளில் தேர்ச்சி பெற்ற மாணவ, மாணவிகள் பாராட்டப்பட்டனர். 

 விழாவில் துணை முதல்வர் சுப்புலட்சுமி, தமிழ் துறை தலைவர் பூங்கோதை, விரிவுரையாளர் அதிவீரபாண்டியன் மற்றும் பேராசிரியர்கள், மாணவ, மாணவிகள் கலந்து கொண்டனர்.