தேர்தல் தேதி இன்று மாலை அறிவிப்பு!!

தேர்தல் ஆணைய அதிகாரிகள் செய்தியாளர் சந்திப்பு 

தமிழ்நாடு, புதுச்சேரி, கேரளம், அஸாம், மேற்கு வங்கம் ஆகிய 5 மாநில தேர்தல் தேதிகளை, தேர்தல் ஆணையம் வரும் 16 அல்லது 17ஆம் தேதி அறிவிக்கும் என எதிர்பார்க்கப்பட்டது. அதன்படி, ஏப்ரல் 3ஆவது வாரம் அல்லது 4ஆவது வாரத்தில் தமிழகத்திற்கு தேர்தல் நடைபெறலாம்.

தமிழ்நாடு, புதுச்சேரி, கேரளத்தில் ஒரே கட்டமாகவும், மேற்கு வங்கத்தில் 3 முதல் 4 கட்டங்களாகவும், அஸாமில் இரு கட்டங்களாகவும் தேர்தல் நடத்த திட்டமிடப்பட்டுள்ளது. வாக்கு எண்ணிக்கை மே முதல் வாரத்தில் நடைபெறும் என கூறப்படுகிறது.

 இந்நிலையில் இன்று மாலை 4 மணிக்கு தேர்தல் ஆணைய அதிகாரிகள் செய்தியாளர் சந்திப்பு நடைபெறுகிறது. அப்போது தமிழகம் உள்ளிட்ட 5 மாநில தேர்தல் தேதியை அறிவிக்க வாய்ப்பு உள்ளது.