1 முதல் 9-ம் வகுப்பு ஆண்டுத் தேர்வு 16ம் தேதி நிறைவு...

44 நாட்கள் கோடை விடுமுறை.

​தமிழகத்தில் உள்ள பள்ளிகளில் பயிலும் 1 முதல் 9-ஆம் வகுப்பு வரையிலான மாணவர்களுக்கான ஆண்டு இறுதித் தேர்வு தேதிகள் குறித்த முக்கியத் தகவலை பள்ளிக்கல்வித்துறை வெளியிட்டுள்ளது.

​அறிவிப்பின்படி, ஏப்ரல் 1-ஆம் தேதி தொடங்கி ஏப்ரல் 16-ஆம் தேதி வரை 1 முதல் 9-ஆம் வகுப்பு வரையிலான மாணவர்களுக்கு ஆண்டுத் தேர்வுகள் நடைபெறும் எனத் தெரிவிக்கப்பட்டுள்ளது.

​நடப்பாண்டில் தேர்தல் நடைபெற உள்ளதால், அதற்கு முன்னதாகவே பள்ளிகளைத் தேர்தல் பணிகளுக்காக ஒப்படைக்க வேண்டியது அவசியமாகிறது. இதைக் கருத்தில் கொண்டு, வழக்கத்தை விட முன்கூட்டியே தேர்வுகளை முடித்துவிட பள்ளிக்கல்வித்துறை திட்டமிட்டுள்ளது.

​தேர்வுகள் ஏப்ரல் 16-ஆம் தேதியுடன் முடிவடையும் நிலையில், மாணவர்களுக்கு ஏப்ரல் 17-ஆம் தேதி முதல் மே 31-ஆம் தேதி வரை கோடை விடுமுறை அளிக்கப்படும் என எதிர்பார்க்கப்படுகிறது. இதன் மூலம் மாணவர்களுக்கு மொத்தம் 44 நாட்கள் நீண்ட விடுமுறை கிடைக்க வாய்ப்புள்ளது.

விரிவான கால அட்டவணையை மாணவர்கள் அந்தந்த பள்ளித் தலைமையாசிரியர்கள் மூலம் உறுதிப்படுத்திக் கொள்ள அறிவுறுத்தப்படுகிறார்கள்.

​