சிறுமிகள் முதல் பாட்டிகள் வரை பாலியல் வன்கொடுமை இன்னும் எத்தனை பெண்கள் பாதிக்கப்படப் போகிறார்களோ? – சீமான் அச்சம்

நாம் தமிழர் கட்சி தலைமை ஒருங்கிணைப்பாளர் சீமான் பேச்சு...

பள்ளி சிறுமிகள் முதல், 80 வயது பாட்டிகள் வரை பாலியல் வன்கொடுமைக்கு உள்ளாகும் பெருந்துயரங்கள் தமிழகத்தில் நாளும் அரங்கேறுகின்றன. திமுக அரசின் தொடர் அலட்சியமே ஏராளமான பாலியல் வன்கொடுமைகள் நிகழ்ந்ததற்கு காரணமாகும். திமுக ஆட்சி முடிவதற்குள் இன்னும் எத்தனை பெண்கள் பாதிக்கப்பட போகிறார்களோ என்ற பேரச்சம் பொதுமக்களிடம் எழுந்துள்ளது. மதுவை விற்கும் அரசால் குற்றங்களை எப்படி தடுத்து நிறுத்த முடியும்? பெண்களின் பாதுகாப்பில் அலட்சியமாக செயல்பட்டு இன்னும் எத்தனை பெண்கள் பாதிக்கப்பட திமுக அரசு காரணமாகப் போகிறது? பெண் குழந்தைகளைப் பாலியல் வன்கொடுமை செய்யும் குரூர மனம் படைத்த கொடூரர்களுக்கு மரண தண்டனை விதிக்க வேண்டும். அதற்காக உடனடியாக சட்டத்திருத்தம் கொண்டு வர வேண்டும் என்று தெரிவித்துள்ளார்.