தங்கத்தின் விலை இரண்டாவது நாளாக உயர்ந்து ஒரு சவரன் 72,600 ரூபாய்க்கு விற்பனையாகிறது.
சர்வதேச பொருளாதார நிலவரத்துக்கேற்ப இந்தியாவில் தங்கத்தின் விலை அவ்வப்போது ஏற்ற, இறக்கத்தை சந்தித்து வருகிறது. கடந்த சில மாதங்களாகவே தங்கத்தின் விலை உச்சத்தை தொட்டுள்ளது.
கடந்த ஜூலை 7-ம் தேதி (திங்கள்கிழமை) சவரனுக்கு 400 ரூபாய்க்கு குறைந்த தங்கத்தின் விலை செவ்வாயன்று சவரனுக்கு 400 ரூபாய் உயர்ந்தது. அடுத்த நாளான புதன்கிழமை சவரனுக்கு 480 ரூபாய்க்கு குறைந்த தங்கம் நேற்று சவரனுக்கு 160 ரூபாய் உயர்ந்து ஒரு சவரன் 72,160 ரூபாய்க்கு விற்பனையானது.
இந்த நிலையில், இரண்டாவது நாளாக இன்றும் ( ஜூலை 11) தங்கம் விலை உயர்ந்துள்ளது. கிராமுக்கு 55 ரூபாய் உயர்ந்து ஒரு கிராம் தங்கம் 9,075 ரூபாய்க்கும், சவரனுக்கு 440 ரூபாய் உயர்ந்து ஒரு சவரன் 72,600 ரூபாய்க்கும் விற்பனையாகிறது.
மேலும், கடந்த ஏழு நாட்களாக விலை மாற்றமின்றி விற்பனையான வெள்ளி விலை இன்று உயர்ந்துள்ளது. கிராமுக்கு ஒரு ரூபாய் உயர்ந்து ஒரு கிராம் வெள்ளி 121 ரூபாய்க்கும், கிலோவுக்கு ஆயிரம் ரூபாய் உயர்ந்து பார் வெள்ளி 1 லட்சத்து 21 ஆயிரம் ரூபாய்க்கும் விற்பனை செய்யப்படுகிறது.
