சிவகங்கை பாஜக நகர வர்த்தகப்பிரிவு தலைவர் சதீஷ் மர்மநபர்களால் அடித்துக் கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது.
சிவகங்கை நகர பாஜக வர்த்தகப் பிரிவு தலைவராக இருந்தவர் சதீஷ். இவர் வாரச்சந்தை அருகே காவலர் குடியிருப்பு எதிரே வாகன பழுது நீக்கம் கடையை நடத்தி வந்தார். இந்த நிலையில் நேற்று இரவு நண்பர்கள் சிலருடன் சதீஷ் அமர்ந்து பேசிக் கொண்டிருந்ததாக கூறப்படுகிறது. அப்போது அவர்களுக்குள் ஏற்பட்ட தகராறில் சதீஷை அக்கும்பல் சரமாரியாக தாக்கினர். இதனால் அவர் மயங்கி விழுந்தார்.
இதுகுறித்து தகவல் அறிந்த போலீஸார், சம்பவ இடத்திற்கு விரைந்து சென்று படுகாயங்களுடன் இருந்த சதீஷை மீட்டு சிவகங்கை அரசு மருத்துவக் கல்லூரி மருத்துவமனைக்கு கொண்டு சென்றனர். ஆனால், ஏற்கெனவே அவர் உயிரிழந்து விட்டதாக மருத்துவர்கள் தெரிவித்தனர்.
இதனையடுத்து அவரது உடல் பிரேத பரிசோதனைக்கு அனுப்பி வைத்தனர். இந்த கொலை தொடர்பாக வழக்குப்பதிவு செய்து 5 பேரை பிடித்து போலீஸார் விசாரணை நடத்தி வருகின்றனர். நள்ளிரவில் பாஜக நிர்வாகி அடித்துக் கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது.
