Hot News :
For Advertisement Contact: 9360777771

காஷ்மீரில் கொட்டும் கனமழை - கன்னியாகுமரியில் இருந்து புறப்படும் எக்ஸ்பிரஸ் ரயில் ரத்து

© News Today Tamil

ஜம்மு - காஷ்மீரில் கனமழையால் பல்வேறு பகுதிகளில் நிலச்சரிவு ஏற்பட்டுள்ளது. எனவே, கன்னியகுமாரியில் இருந்து காஷ்மீருக்கு செல்லும் ஹிம்சாகர் எக்ஸ்பிரஸ் ரயில் இன்று ரத்து செய்யப்பட்டுள்ளது. 

ஜம்மு- காஷ்மீரில் கனமழை கொட்டி வருகிறது. இதனால் அங்குள்ள ஆறுகளில் வெள்ளப்பெருக்கு ஏற்பட்டுள்ளது. இதனால் ஜம்மு- காஷ்மீரில் பல்வேறு பகுதிகளில் நிலச்சரிவு ஏற்பட்டுள்ளது. இந்த நிலையில் காஷ்மீருக்குச் செல்லும் ஹிம்சாகர் எக்ஸ்பிரஸ் ரயில் இன்று ரத்து செய்யப்பட்டுள்ளதாக தெற்கு ரயில்வே தெரிவித்துள்ளது.

இதுகுறித்து தெற்கு ரயில்வே வெளியிட்டுள்ள அறிக்கையில், ஜம்மு - காஷ்மீர் மாநிலத்தில் தற்போது கனமழை பெய்து வருவதால் பல இடங்களில் நிலச்சரிவு ஏற்பட்டு, போக்குவரத்து பாதிக்கப்பட்டுள்ளது. இதனால், ரயில் சேவையை வடக்கு ரயில்வே மாற்றியமைக்க கூறியுள்ளது.

அதன்படி, கன்னியாகுமரியில் இருந்து இன்று பிற்பகல் 2.15 மணிக்கு ஜம்மு - காஷ்மீர் மாநிலத்தில் உள்ள ஸ்ரீ மாதா வைஷ்ணவ தேவி கட்ராவுக்கு இயக்கப்படும் வாராந்திர ஹிம்சாகர் எக்ஸ்பிரஸ் ரயில் (வண்டி எண் 16317) முழுவதுமாக ரத்து செய்யப்படுகிறது.

இதேபோல், ஸ்ரீ மாதா வைஷ்ணவ தேவி கட்ராவில் இருந்து சென்னை சென்ட்ரலுக்கு இன்று இரவு 10.30 மணிக்கு இயக்கப்படும் அந்தமான் எக்ஸ்பிரஸ் ரயில் (வண்டி எண் 16032) ஸ்ரீ மாதா வைஷ்ணவ தேவி கட்ரா - நிஜாமுதீன் இடையே ரத்து செய்யப்படுகிறது. எனவே, இந்த ரயில் நாளை (ஆகஸ்ட் 30) பிற்பகல் 2 மணிக்கு நிஜாமுதீனில் இருந்து சென்னை சென்ட்ரல் நோக்கி புறப்படும் என்று தெரிவிக்கப்பட்டுள்ளது. 

----

ஆசிரியர் S.கதிரவன்.


For Advertisement Contact: 9360777771
Prev Post விசிகவுடன் கூட்டணியா?- நயினார் நாகேந்திரன் பரபரப்பு பேட்டி
Next Post சுப்ரமணியன் சுவாமி தொடுத்த வழக்கு- மத்திய அரசுக்கு உச்ச நீதிமன்றம் உத்தரவு!
Related Posts