ராமர் பாலத்தை தேசிய பாரம்பரிய சின்னமாக அறிவிக்க கோரிய வழக்கில் மத்திய அரசு நான்கு வாரத்தில் பதிலளிக்க உச்ச நீதிமன்றம் உத்தரவிட்டுள்ளது.
ராமர் பாலத்தை தேசிய பாரம்பரிய சின்னமாக அறிவிக்க மத்திய அரசுக்கு உத்தரவிட கோரி பாஜகவின் மூத்த தலைவரும், மதுரை முன்னாள் எம்.பியுமான சுப்ரமணியன் சுவாமி உச்ச நீதிமன்றத்தில் வழக்குத் தொடுத்திருந்தார்.
இது தொடர்பாக சம்பந்தப்பட்ட துறையிடம் உரிய மனுவை சர்ப்பிக்க உச்ச நீதிமன்றம் அறிவுறுத்தியிருந்தது. இதனைத் தொடர்ந்து சுப்பிரமணியன் சுவாமி தரப்பில் ராமர் பாலத்தை தேசிய பாரம்பரிய சின்னமாக அறிவிக்க வலியுறுத்தி மத்திய அரசிடம் மனு சமர்ப்பிக்கப்பட்டிருந்தது. ஆனால், அந்த மனு மீது எந்த நடவடிக்கையும் எடுக்கப்படவில்லை என்று கூறப்படுகிறது. இந்த நிலையில் சுப்ரமணியன் சுவாமி தரப்பில் உச்ச நீதிமன்றத்தில் வழக்குத் தொடுக்கப்பட்டது
அந்த மனுவில் ”உச்ச நீதிமன்றத்தின் அறிவுறுத்தலின்படி, ராமர் பாலம் தொடர்பாக மத்திய அரசிடம் ஒரு கோரிக்கை மனுவை சமர்ப்பித்தோம். ஆனால் அதன் மீது எந்த ஒரு முடிவையும் மத்திய அரசு இதுவரை எடுக்கவில்லை. எனவே, உச்ச நீதிமன்றம் உரிய உத்தரவை பிறப்பிக்க வேண்டும் என்று தனது மனுவில் கோரிக்கை விடுத்திருந்தார். இந்த மனுவானது உச்ச நீதிமன்றத்தில் நீதிபதி விக்ரம் நாத் தலைமையிலான அமர்வில் இன்று விசாரணைக்கு வந்தது
அப்போது ஆஜரான மனுதாரர் சுப்பிரமணியன் சுவாமி, ”ராமர் பாலம் விவகாரம் தொடர்பாக மத்திய அரசிடம் தான் ஒரு மனுவை அளித்துள்ளதாகவும் அந்த மனு மீது விரைந்து ஒரு முடிவை எடுத்து மத்திய அரசானது அறிவிக்க வேண்டும். அதற்கான ஆணையை உச்ச நீதிமன்றம் பிறப்பிக்க வேண்டும்” என்று வலியுறுத்தினார்
இதனையடுத்து நீதிபதிகள் சுப்பிரமணியன் சுவாமியின் வழக்கில் மத்திய அரசு நான்கு வாரத்தில் பதிலளிக்க நோட்டீஸ் பிறப்பித்து உத்தரவிட்டனர்.
